کراچی(نمائندہ خصوصی) سابق صدر آصف علی زرداری نے سندھ میں بلدیاتی انتخابات میں کامیابی پروزیراعلیٰ سندھ ،صوبائی کابینہ کے ارکان ،پارٹی عہدیداروں اور جیالوں کو مبارکباد دیتے ہوئے کہا ہے کہ صوبہ بھر میں جیت کارکنوں کی بہترین خدمات کا نتیجہ ہے۔اپنے جاری بیان میں آصف علی زرداری نے کہا کہ کراچی کے جیالوں نے شاندار کارکردگی دکھائی ہے۔پورے ملک کے جیالے تیاری کریں مستقبل جیالوں کا ہے۔پیپلزپارٹی کے کارکن اور حامی بلاول بھٹو زرداری کی طاقت ہیں ۔ہم بھرپور تیاری سے انتخابات لڑیں گے۔انہوںنے کہا کہ بلاول بھٹو زرداری نے بطور وزیر خارجہ اپنی صلاحیتوں کا لوہا منوا لیا ہے۔بلاول بھٹو زرداری اپنی عظیم والدہ کی طرح چاروں صوبوں کی زنجیر ہے ۔دھمکیوں کے باوجود بلاول بھٹو زرداری بھارت گئے۔قائد عوام شہید اور محترمہ بینظیر بھٹو کے سیاسی جانشین بہادری کی۔انہوںنے کہا کہ کوئی شک نہیں کہ جیالے اپنی قیادت کی طرح بہادر ہیں۔
