کراچی (نمائندہ خصوصی )کراچی میں آئندہ دنوں میں گرمی کی شدت میں اضافے کا امکان ہے۔محکمہ موسمیات کی جانب سے کراچی میں آئندہ آنے والے تین روز کے دوران گرمی کی شدت میں اضافہ ہوگا، آئندہ 3 روز کے دوران شہر کا موسم گرم اور مرطوب رہے گا ، اس دوران زیادہ سے زیادہ درجہ حرارت 36 سے 38 ڈگری سینٹی گریڈ تک رہ سکتا ہے۔محکمہ موسمیات کے مطابق اس دوران مغرب اور جنوب مغرب سےہوائیں چل سکتی ہیں۔محکمہ موسمیات کے مطابق وسطی اوربالائی سندھ میں8 یا 9 مئی سے گرمی کی شدت میں اضافے کا امکان ہے، اسی دوران سندھ کے بیشتر مقامات پر موسم گرم اور خشک رہےگا جبکہ دادو، قمبرشہدادکوٹ، جیکب آباد، جامشورو، تھرپارکر میں ہلکی بارش کا امکان ہے۔
