کراچی کو مجرموں کا شہر نہیں بننے دیں گے، گورنر سندھ

کراچی (نمائندہ خصوصی )گورنر سندھ کامران ٹیسوری نے کہا ہے کہ شہر کو مجرموں کا شہر نہیں بننے دیں گے، میرا کوئی سیاسی ایجنڈا نہیں ہے، ہم سب مل کر اس صوبے، اس شہر کے لیے کام کریں گے نوجوان ہمارے ساتھ ہیں۔کراچی کے علاقے گارڈن شو مارکیٹ میں گورنر سندھ کامران ٹیسوری 24 ویں سحری کرنے پہنچے جہاں ان کا شہریوں نے استقبال کیا۔سحری کے بعد میڈیا سے بات کرتے ہوئے گورنر سندھ نے کہا کہ میرا کوئی سیاسی ایجنڈا نہیں ہے، سحری اور افطار کا مقصد لوگوں کو جوڑنا ہے۔انہوں نے کہا کہ 1947 کے بعد پہلی بار عوام کو عزت اور پیار دینے کی کوشش کی گئی ہے، میں نے پکوڑے عوام کے لیے بنائے ہیں اور اب عوام کا مذاق اڑایا جارہا ہے۔انہوںنے کہا کہ میں لوگوں کے درمیان جاوں گا اور اس شہر کو مثالی بناوں گا۔گورنر سندھ نے کہا کہ شہر کے روڈ ٹوٹے ہوئے ہیں، ذمہ داروں کو کہتا ہوں جو روڈ ٹوٹے ہیں ان کو فوری بنایا جائے۔