کراچی(نمائندہ خصوصی )گورنر سندھ کامران ٹیسوری نے گیس کی جاری شدید لوڈ شیڈنگ کے حوالے سے کہا ہے کہ بڑے سپلائرز کہہ رہے ہیں کہ گیس موجود ہے، ہم دے سکتے ہیں۔گورنر سندھ کامران خان ٹیسوری سحری کے وقت کھارادر پہنچے تھے۔اس موقع پر انہوں میڈیا سے گفتگو کرتے ہوئے کہا کہ یہ سچی بات ہے کہ شہر میں کوئی کچھ نہیں کر رہا ہے۔انہوں نے کہا کہ گیس اور اسٹریٹ کرائم پر بیان دینے پر لوگ مجھ پر تنقید کرتے ہیں، تاہم میں ہر اس چیز پر بیان دوں گا جس سے لوگوں کو حق نہیں مل رہا ہے۔گورنر سندھ کامران ٹیسوری نے کہا کہ میں چاہتا ہوں کہ اس صوبے اور شہر کے لوگوں کا کاروبار چلے۔وہ سحری میں نمائش بھی پہنچے جہاں انہوں نے جے ڈی سی کی عوامی سحری میں موجود نابینا شخص محمد ابراہیم کو پلاٹ کا تحفہ بھی دیا۔گورنر سندھ کامران ٹیسوری نے وہاں موجود لوگوں کو افطار پر گورنر ہاﺅس آنے کی دعوت بھی دی۔
