کراچی(نمائندہ خصوصی) کراچی کے علاقے شاہ لطیف ٹاﺅن منزل پمپ کے قریب پولیس موبائل پر دستی بم سے حملہ کیا گیا، تاہم کوئی جانی نقصان نہیں ہوا، پولیس نے واقعے کا مقدمہ درج کرلیا ہے۔تفصیلات کے مطابق کراچی کے علاقے شاہ لطیف ٹاﺅن میں منزل پمپ کے قریب دو موٹر سائیکلوں پر سوار تین افراد نے پولیس موبائل پر دستی پھینکا اور فرار ہوگئے۔ ایس ایس پی ملیر حسن سردارکے مطابق حملے میں کوئی جانی نقصان نہیں ہوا۔ایس ایس پی ملیر حسن سردار نے بتایا کہ حملے کے وقت شاہ لطیف تھانے کی پولیس موبائل اسنیپ چیکنگ پر تعینات تھی۔انہوں نے کہا کہ دستی بم موبائل سے ٹکرا کر زمین پر پھٹا، اہلکار کچھ فاصلے پر کھڑے تھے، حملے میں پولیس موبائل کو جزوی نقصان پہنچا ہے۔
