کراچی(نمائندہ خصوصی )کراچی کے مختلف علاقوں میں رمضان المبارک کے پہلے روز بھی گیس کی لوڈ شیڈنگ جاری ہے۔ذرائع کے مطابق نارتھ کراچی، نیو کراچی، ناگن چورنگی، نارتھ ناظم آباد، گلشنِ اقبال اور دیگر علاقوں میں جمعرات کی صبح 8 بجے سے گیس کی فراہمی بند رہی۔علاقہ مکینوں نے بتایاکہ بچے، بزرگ اور بیمار جو روزہ نہیں رکھ سکتے ان کے لیے کھانا کیسے بنائیں۔علاقہ مکینوں کو دن کے اوقات میں گیس کی لوڈشیڈنگ کی وجہ سے شدید مشکلات کا سامنا ہے۔مقامی لوگوں نے بتایا ہے کہ بفرزون میں جمعرات کی صبح ہونے والی بارش کے بعد سے بجلی بھی معطل ہوگئی۔
