اسلام آباد ( نمائندہ خصوصی )وزیر خارجہ بلاول بھٹو زرداری کی دعوت پر جرمنی کی وزیر برائے خارجہ امور اینالینا بیئربوک (آج )منگل سے پاکستان کا 2 روزہ دورہ کریں گی۔ وزارت خارجہ کے ترجمان کی جانب سے جاری بیان کے مطابق دورے کے دوران دونوں ممالک کے وزرائے خارجہ وفود کی سطح پر دو طرفہ امور پر بات چیت کریں گے اور علاقائی اور عالمی امور پر تبادلہ خیال کریں گے۔
جرمنی کی وزیر برائے خارجہ امور کا پاکستان کا یہ پہلا دورہ ہوگا۔ جرمن وزیر خارجہ پاکستان کے دورے کے دوران وزیراعظم سے بھی ملاقات کریں گی۔
