کراچی(نمائندہ خصوصی) متحدہ قومی موومنٹ پاکستان(ایم کیو ایم)نے پیپلز پارٹی کی ملٹی پارٹیز کانفرنس میں شرکت نہ کرنے کا فیصلہ کیا ہے۔پارٹی ذرائع کے مطابق ایم کیو ایم رابطہ کمیٹی کا اجلاس ہوا جس میں فیصلہ کیا گیا کہ ایم کیو ایم 18 مارچ کے جلسہ عام کے باعث ملٹی پارٹیز کانفرنس میں شرکت نہیں کرسکے گی۔اس سے قبل پیپلز پارٹی کی پارٹیز کانفرنس میں شرکت کے حوالے سے ایم کیو ایم پاکستان نے باغ جناح گرانڈ میں رابطہ کمیٹی کا اہم اجلاس طلب کیا تھا۔واضح رہے کہ ڈجیٹل مردم شماری اور سندھ کے تحفظات کے موضوع پر پیپلز پارٹی سندھ نے ملٹی پارٹیز کانفرنس میں شرکت کے لئے ایم کیو ایم سمیت تمام جماعتوں کو مدعو کیا ہے۔
