راولپنڈی (نمائندہ خصوصی ) سیکیورٹی فورسز نے شمالی وزیرستان کے ضلع دتہ خیل میں انٹیلی جنس اطلاعات پر آپریشن کر کے 6 دہشت گردوں کو ہلاک کر دیا ،ہلاک دہشت گردوں سے اسلحہ اور گولہ بارود بھی برآمد ہوا ہے ۔آئی ایس پی آر کے مطابق سیکیورٹی فورسز نے شمالی وزیرستان کے ضلع دتہ خیل میں انٹیلی جنس اطلاعات پر آپریشن کر کے 3دہشت گردوں کو ہلاک کر دیا ،ہلاک دہشت گردوں سے اسلحہ اور گولہ بارود بھی برآمد ہوا ہے۔آپریشن کے بعد سیکیورٹی فورسز کی جانب سے علاقے میں کلیئرنس آپریشن بھی کیا گیا جس کے دوران شدید فائرنگ کے تبادلے کے بعد مزید 3دہشت گرد مارے گئے۔ علاقے کے مقامی لوگوں نے سیکیورٹی فورسز کے ردعمل کو سراہا اور علاقے سے دہشت گردی کی لعنت کے خاتمے کے لیے اپنے مکمل تعاون کا اظہار کیا۔
