لاڑکانہ(رپورٹ محمد عاشق پٹھان) لاڑکانہ پولیس نے دو ماہ قبل
اغوا ہونے والے سات سالہ بچے شعیب سومرو کو شکارپور کے کچے کے علاقے سے باحفاظت بازیاب کرلیا ہے، اس حوالے سے ایس ایس پی لاڑکانہ ڈاکٹر محمد عمران خان نے بتایا کہ 5 جنوری کو تھانہ حیدری کی حدود ایوب کالونی سے اغوا ہونے والا سات سالہ بچہ شعیب سومرو شکارپور کے کچے سے بازیاب کروالیا گیا ہے، دوران تفتیش حراست میں لئے گئے چند مشکوک افراد کی نشاندہی پر شکارپور کے کچے کے علاقے میں کاروائی کی گئی جبکہ لاڑکانہ پولیس کی ٹیم نے انٹیلیجنس بیسڈ پر بروقت کاروائی کرتے ہوئے شعیب سومرو کو بحفاظت بازیاب کروایا، انہوں نے کہا کہ اغوا کاروں کی نشاندہی ہوچکی ہے، ملوث ملزمان بہت جلد قانون کی گرفت میں ہوں گے، اغوا کاروں نے ورثاء سے ایک کروڑ روپے تاوان بھی طلب کیا تھا جس کی آڈیو سوشل میڈیا پر وائرل ہوئی تھی، دوسری جانب بازیاب ہونے والے شعیب سومرو کے والدین،ورٹاء اور علاقہ مکین ایس ایس پی آفیس لاڑکانہ پہنچ گئے ایس ایس پی صاحب لاڑکانہ سے اظہار تشکر کرتے ہوئے پولیس کارکردگی پر اطمینان کا اظہار کیا۔
