اسلام آباد( نمائندہ خصوصی ) پاک بحریہ کے جہاز نے ریجنل میری ٹائم سیکیورٹی گشت پر تعیناتی کے دوران شمالی بحیرہ عرب میں انسداد منشیات آپریشن کرتے ہوۓ منشیات کی بھاری مقدارضبط کرلی۔ پاک بحریہ کے جہاز نے میری ٹائم سیکیورٹی آپریشنز کرتے ہوئے سمندر میں ایک مشکوک ماہی گیر کشتی کو روکا۔ کشتی کی تلاشی لینے پر پاک بحریہ کے جوانوں نے 280 کلو گرام منشیات (کرسٹل اور آئس) قبضے میں لے لی جس کی بین الاقوامی منڈی میں مالیت کا تخمینہ تقریبا 15 ملین امریکی ڈالرز ہے۔ قبضے میں لی گئ کشتی اور سمگلرز کو مزید قانونی کارروائی کے لیے قانون نافذ کرنے والے اداروں کے حوالے کر دیا گیایے.پاک بحریہ کے جہاز کا کامیاب انسداد منشیات آپریشن ملکی سمندری سرحدوں میں غیر قانونی سرگرمیوں کی روک تھام کے لیے پاک بحریہ کے عزم کا مظہر ہے۔
