لاہور (مانیٹرنگ ڈیک) پی ایس ایل میچز کی سکیورٹی سے متعلق پی سی بی اور پنجاب حکومت میں معاملات حل ہوگئے۔ پی ایس ایل 8 کے میچز منتقلی کے معاملے پر وزیر اعظم کی جانب سے یقین دہانی کے بعد بقیہ میچز کی میزبانی پنجاب کرے گا۔ نجم سیٹھی نے میچزز شیڈول کے مطابق جاری رہنے سے متعلق ٹوئٹ کردیا، پنجاب حکومت اخراجات برداشت کرنے پر رضامند ہوگئی ہے۔ نجم سیٹھی نے کہا کہ پنڈی اور لاہور میں میچزز اپنے شیڈول کے مطابق ہونگے، وزیر اعلی نے روٹ کی لائٹنگ کی کاسٹ میں حصہ ڈالنے پر اتفاق کیا ہے۔ کراچی میں آخری میچ کے بعد براڈ کاسٹرز نے سامان باندھ لیا، ڈیجیٹل باونڈری کو بھی نکالنا شروع کردیا، نیشنل اسٹیڈیم کراچی سے سارا سامان پنڈی سٹیڈیم جائے گا۔ پی ایس ایل کے میچز کا کراچی میں کنگز کی فتح پر اختتام، براڈ کاسٹنگ اسٹاف کراچی سے پنڈی کےلئے روانہ ہوگا۔
