راولپنڈی( نمائندہ خصوصی چیف آف آرمی اسٹاف جنرل سید عاصم منیر نے نے کہا کہ کوئی بھی قوم دہشت گردی جیسے چیلنجوں پر باہمی اعتماد، عوام کے تعاون اور تمام فریقین کے درمیان ہم آہنگی کے بغیر قابو نہیں پا سکتی ، پاکستانیوں نے ہمیشہ دہشت گردی اور انتہا پسندی کوتمام قسموں میں مسترد کیا اور اسےشکست دی ہے،ہم ایک ساتھ مل کر مشترکہ خوشحال مستقبل کے لیے اس خطرے پر غالب آئیں گے۔ہفتہ کو آئی ایس پی آر کی جانب سے جاری بیان کے مطابق آرمی چیف نے ہفتہ کو کراچی کا دورہ کیا۔وزیراعلیٰ سندھ مراد علی شاہ اور آرمی چیف کو کور ہیڈ کوارٹرز میں کراچی پولیس آفس (کے پی او) واقعے کے بارے میں بریفنگ دی گئی۔اس کے بعد انہوں نے کراچی پولیس آفس (کے پی او) کا دورہ کیا جہاں گزشتہ رات پاک آرمی اسپیشل سروس گروپ (ایس ایس جی)، پاکستان رینجرز سندھ اور سندھ پولیس پر مشتمل انسداد دہشت گردی (سی ٹی) کے کامیاب آپریشن نے تمام دہشت گردوں کو جہنم واصل کرتے ہوئے اس جگہ کو دہشت گردوں سے کلیئر کیا۔بعدازاں وزیراعلیٰ اور آرمی چیف نے جناح پوسٹ گریجویٹ میڈیکل سینٹر (جے پی ایم سی) کا بھی دورہ کیا اور پولیس اور پاکستان رینجرز سندھ کے زخمی جوانوں سے ملاقات کی۔انہوں نے فرائض کے دوران فوج، پولیس اور پاکستان رینجرز (سندھ) کی بہادری، حوصلے اور قربانیوں کو سراہا۔وزیر اعلیٰ نے کہا کہ ریاست دہشت گردی کے خلاف قانون نافذ کرنے والے اداروں اور قوم کے اٹوٹ عزم کی لاتعداد قربانیوں کا اعتراف اور انہیں سلام پیش کرتی ہے۔آرمی چیف نے زور دیا کہ دہشت گردوں کا کوئی مذہب یا نظریہ سے تعلق نہیں ہے بلکہ صرف گمراہ کن تصور کو زبردستی یا لالچ کے ذریعے مسلط کیا جاتا ہے۔عوام کو درپیش سیاسی اور دیگر خلفشار کے برعکس، سیکورٹی فورسز کی توجہ صرف سی ٹی اور انٹیلی جنس پر مبنی آپریشنز (آئی بی اوز) پر ہے جو کہ واضح کامیابی کے ساتھ پورے ملک میں چل رہے ہیں۔انہوں نے کہا کہ کوئی بھی قوم صرف حرکیاتی کارروائیوں سے اس طرح کے چیلنجوں پر قابو نہیں پا سکتی۔اس کے لئےباہمی اعتماد، عوام کی مرضی اور تمام اسٹیک ہولڈرز کے درمیان ہم آہنگی کی ضرورت ہے۔انہوں نے کہا کہ پاکستانیوں نے ہمیشہ دہشت گردی اور انتہا پسندی کو اس کی تمام قسموں میں مسترد کیا اور اسےشکست دی ہے،ہم ایک ساتھ مل کر مشترکہ خوشحال مستقبل کے لیے اس خطرے پر غالب آئیں گے۔قبل ازیں آمد پر کور کمانڈر کراچی نے آرمی چیف کا استقبال کیا۔
