کراچی : ملیر ڈیولپمنٹ اتھارٹی کے ڈی جی نجم الدین سہتو کی پریس کلب آمد

کراچی ( نمائندہ خصوصی )کراچی پریس کلب کی دعوت پر ملیر ڈیولپمنٹ اتھارٹی کے ڈی جی نجم الدین سہتو کی پریس کلب آمد ،صدر کراچی پریس کلب سعید سربازی، سیکریٹری شعیب احمد سمیت اراکین مجلس عاملہ نے ایم ڈی اے کے نئے ڈی جی کا پریس کلب آمد پر شکریہ ادا کیا۔ صدر کراچی پریس کلب سعید سربازی نے نجم الدین سہتو کو نیو ملیر ہاؤسنگ اسکیم 1 بلاک 12 اے اور تیسر ٹاؤن اسکیم 45 بلاک 22 اور 23 کے الاٹیز کے تحفظات سے آگاہ کیا ، انہوں نے کہا ایم ڈی اے کی صحافی سوسائٹیوں کو جلد از جلد آباد کرانا ہماری پہلی ترجیح ہے، اراکین کے پلاٹ کی فائلز ،چلان، اور دیگر معلومات کے لئے پریس کلب میں ایم ڈی اے کا خصوصی کاؤنٹر بنایا جائے،امید ہے ڈی جی ایم ڈی اے پریس کلب کے الاٹیز کو پیش آنے والی مشکلات کے تدارک کے لئے خصوصی اقدامات کریں گے، سیکریٹری پریس کلب شعیب احمد نے بتایا کہ نیو ملیر اور تیسر ٹاؤن کے الاٹیز اپنے واجبات باقاعدگی سے جمع کررہے ہیں ، ایم ڈی اے صحافی سوسائٹی میں ترقیاتی کام جلد از جلد مکمل کرائے تاکہ گھروں کی تعمیرات کا مرحلہ شروع کیا جاسکے،اس موقع پر ڈائریکٹر جنرل ملیر ڈویلپمنٹ اتھارٹی نجم الدین سہتو نے پریس کلب سے مکمل تعاون کی یقین دہانی کرائی، انہوں نے بتایا کہ تیسر ٹاؤن کے الاٹیز کی فائلز تیار ہیں،ہم دونوں جگہوں پر پریس کلب کے ممبرز کا وزٹ کرائیں گے اور ترقیاتی کاموں کے حوالے سے پریس کلب کے ساتھ مشترکہ لائحہ عمل بناکر چلیں گے، انہوں نے کہا کہ ہماری بھی یہ ہی خواہش ہے کہ صحافیوں کی سوسائٹیاں جلد از جلد آباد ہوں، اس سلسلے میں اگلے ہفتے سے ایم ڈی اے کا نمائندہ پریس کلب میں الاٹیز کی سہولت کے لئے موجود ہوگا،ڈی جی ایم ڈی اے نے پریس کلب مدعو کرنے پر اراکین مجلس عاملہ کا شکریہ داد کیا۔