کراچی(بیورو رپورٹ )
کراچی پریس کلب کے صدر سعید سربازی اور سیکریٹری شعیب احمد کی ڈائریکٹر جنرل ملیر ڈیولپمنٹ اتھارٹی نجم الدین سہتو سے ملاقات، صدر کراچی پریس کلب سعید سربازی نے ڈی جی ایم ڈی اے کو نیو ملیر ہاؤسنگ اسکیم ون بلاک 12 اے اور تیسر ٹاؤن اسکیم 45 میں موجود صحافی کالونیوں میں اراکین کو پیش آنے والی مشکلات سے آگاہ کیا اور اس امید کا اظہار کیا ہے کہ ایم ڈی اے پریس کلب کے الاٹیز کو ہر ممکن سہولت فراہم کرے گی۔سیکریٹری شعیب احمد نے کہا کہ نئی مجلس عاملہ کی اولین ترجیح ایم ڈی اے صحافی کالونیوں کے ترقیاتی کاموں میں تیزی اور دونوں کالونیوں کو جلد از جلد آباد کرنا ہے۔ ڈی جی ایم ڈی اے نے پریس کلب کے ساتھ مکمل تعاون کرنے اور صحافیوں کے مسائل ترجیح بنیادوں پر حل کرنے کی یقین دھانی کرائی ، اس موقع پر وزیر اعلی سندھ کے مشیر سلمان عبداللہ مراد بھی موجود تھے
