اسلام آباد (نمائندہ خصوصی )پاکستان تحریک انصاف کے رہنما علی امین گنڈا پور نے چیئرمین پی ٹی آئی عمران خان کی گرفتاری کی صورت میں جنگ کی دھمکی دیدی۔چند روز قبل عمران خان کی گرفتاری کی افواہ پر زمان پارک کے باہر پی ٹی آئی رہنماں اور کارکنوں کی بڑی تعداد سابق وزیراعظم کی رہائشگاہ کے باہر جمع ہو گئی تھی اور اسی دوران پی ٹی آئی رہنما فواد چوہدری نے پولیس کو مخاطب کرتے ہوئے کہا تھا اگر ہمت ہے تو عمران خان کو گرفتار کریں اس حوالے سے پاکستان تحریک انصاف کے رہنما علی امین گنڈا پور نے سوشل میڈیا پر بیان جاری کیا جس میں انہوں نے مغلظات بکتے ہوئے لکھا اگرہمارے لیڈر عمران خان کو گرفتار کیا تو جنگ کےلئے تیار رہیں۔علی امین گنڈا پور نے لکھا کہ عمران خان کی گرفتاری تمہارے خاتمے کی ابتدا ہو گی، یہ ملک نا تمھاری اور نا ہی تمہارے باپ کی جاگیر ہے۔پی ٹی آئی رہنما نے سوشل میڈیا پر اپنے بیان میں یہ بھی کہا کہ نا تو ہم غلام ہیں اور نا بزدل کہ آپ کا ہر غیر قانونی عمل قبول کر لیں گے۔
