کراچی(نمائندہ خصوصی )چیف میٹرولوجسٹ سردار سرفراز نے کہاکہ کراچی میں17 جنوری تک درجہ حرارت 5 سے 7 ڈگری سینٹی گریڈ تک جا سکتا ہے۔ایک بیان میں چیف میٹرولوجسٹ سردار سرفراز نے کہا کہ کراچی میں آج دن بھر گرد آلود سرد ہوائیں چلتی رہیں گی، سردی کی لہر سندھ کو 17 جنوری تک لپیٹ میں رکھے گی۔انہوں نے کہا کہ کراچی میں دن کادرجہ حرارت 22 سے 24 ڈگری سینٹی گریڈ تک رہنے کا امکان ہے، بالائی سندھ میں درجہ حرارت 2 سے 4 ڈگری سینٹی گریڈ تک جا سکتا ہے۔سردار سرفراز نے کہاکہ 17 جنوری کے بعد سردی کی شدت میں کمی آنے لگے لگی۔چیف میٹرولوجسٹس نے مزید کہا کہ 18 سے 19 جنوری کے دوران مغربی ہواوں کا ایک سسٹم بلوچستان میں داخل ہو گا۔انہوں نے کہا کہ21 جنوری کے بعد ایک اور کولڈ ویو ملک کو لپیٹ میں لے سکتی ہے۔
