اسلام آباد (نمائندہ خصوصی)وفاقی کابینہ کا اجلاس آج منگل کو طلب کرلیا گیا ،4 نکاتی ایجنڈا جاری کر دیا گیا ۔20 ادویات کی قیمتوں میں کمی اور54 ادویات کی قیمتوں کا تعین کیا جائیگا۔بتایا گیا ہے کہ آج منگل کو ہونے والا اجلاس وزیر اعظم ہاﺅس میں ہوگا جس کی صدارت وزیر اعظم شہباز شریف کریں گے ،اجلا س میں چار نکاتی ایجنڈا زیر غور آئیگا ،اجلاس میں سرمایہ کاری سے متعلق ریگولیٹری اصول و ضوابط، گائیڈ لائنز کی منظوری دی جائے گی ، کابینہ ہارڈ شپ بنیاد پر ایک دوا کی قیمت میں اضافے کی منظوری پر غور کرے گی ،20ادویات کی قیمتوں میں کمی، 54 ادویات کی قیمتوں کے تعین پر غور کیا جائے گا ،ارکان پارلیمنٹ کی سال 2020 کی ٹیکس ڈائریکٹری کی اشاعت کی منظوری دی جائے گی۔
