اسلام آباد (نیوز ڈیسک ) ماہر امراض جگر اور اسسٹنٹ پروفیسر ڈاکٹر داود غلزئی اورلیپروسکوپک وکولوریکٹل سرجن ڈاکٹر خاور خوستی نے عالمی یوم ہاضمہ کے حوالے سے اپنے پیغام میں کہاہے کہ بڑی آنت کے سرطان (کینسر) کولوریکٹل کینسر دنیا میں اموات کی دوسری بڑی وجہ ہے،29مئی کو دنیا بھر میں ہاضمہ کی صحت کا عالمی دن منایا جاتا ہے تاکہ ہاضمے کی بے شمار خرابیوں اور بیماریوں کے بارے میں آگاہی پیدا کی جا سکے جن میں سے بہت سے جان لیوا ثابت ہوتی ہیں یہ دن 2004 میں ورلڈ گیسٹرو اینٹرولوجی آرگنائزیشن (ڈبلیو جی او)فائونڈیشن کی 45 ویں سالگرہ کے موقع پر منانے کااعلان کیاگیاہے،
انہوں نے کہاکہ سال 2022ءمیں ہاضمہ صحت کے عالمی دن کا تھیم ”کولوریکٹل کینسر کی روک تھام وٹریک پر واپس جانا”رکھاگیاہے ڈبلیو جی او کے مطابق، کولوریکٹل کینسردنیا میں کینسر سے متعلق موت کی دوسری بڑی وجہ ہے،انسان میں بڑی آنت کے سرطان (کینسر) کولوریکٹل کینسر کے اعلامات وزن کی کمی،خون کی کمی،پاخانہ میں خون کاآنا،
خون کا رنگ سرخ یا گہرا ہونا،کالا پاخانہ،پیٹ میں درد،کبھی قبض کبھی دست عام طورپر اس بیماری کی اعلامات ہوسکتی ہیں اگرچہ آنت میں ٹیومر ہونے کی وجہ سے ہوسکتا ہے لیکن گہرا رنگ عام طور پر اس حقیقت کی وجہ سے ہوتا ہے کہ کینسر سے متاثرہ علاقہ چڑھائی آنت ہے۔اس سلسلے میں فوری طورپر ماہرین صحت سے رجوع کرکے بنیادی سطح پر اس بیماری کی تشخیص کی جائے
