اسلام آباد( نمائندہ خصوصی ) ڈیرہ اسماعیل خان میں تیل و گیس کے نئے ذخائر دریافت ہوئے ہیں۔پیٹرولیم ڈویژن کے بیان کے مطابق ڈیرہ اسماعیل خان میں دریافت ہونے والے تیل اورگیس کے ذخائر سے ابتدائی طور پر یومیہ 39.12 ملین مکعب کیوبک فیٹ گیس اوریومیہ 1840 بیرل تیل حاصل ہوگا۔وزارت پیٹرولیم نے قوم کو مبارکباد دیتے ہوئے کہا کہ موجودہ کیلنڈر سال کے دوران تیل اور گیس کی یہ 15ویں دریافت ہے، دریافت سےتیل ،گیس درآمدات پر انحصارمیں کمی ہوگی۔
