لاہور(نمائندہ خصوصی) سابق وزیر اعظم و مسلم لیگ (ن) کے قائد محمد نوازشریف 73برس کے ہو گئے ۔ محمد نواز شریف کی سالگرہ کی مناسبت سے مسلم لیگ (ن) کے رہنماﺅںکی جانب سے لاہور سمیت ملک بھر میں سالگرہ کی تقریبات کااہتمام کیا جس میں نواز شریف کی سالگرہ کا کیک کاٹے گئے اور نوازشریف کی درازی عمر اورملک و قوم کی سلامتی کے لیے خصوصی دعائیں مانگی گئیں ۔نواز شریف 25دسمبر1949 کولاہورمیں پیدا ہوئے ۔وہ 6نومبر 1990 سے 18 اپریل 1993 تک پہلی مرتبہ پاکستان کے وزیر اعظم بنے، دوسری مرتبہ12ویں وزیر اعظم کے طور پر17فروری 1997 سے لے کر 12اکتوبر 1999 تک مسند اقتدار پر فائزرہے جبکہ 11 مئی 2013 کے عام انتخابات میں شاندار کامیابی کے بعدایک بارپھر انہیں وزیراعظم پاکستان کے طور پر منتخب ہونے کا شرف حاصل ہواہے تاہم عدالتی فیصلے کے نتیجے میں انہیں منصب سے ہٹا دیاگیا۔
