اسلام آباد(نمائندہ خصوصی) پنجاب سمیت ملک کی بدلتی ہوئی مجموعی سیاسی صورتحال کے پیش نظر وزیراعظم شہبازشریف نے سابق صدر آصف علی زرداری کے ساتھ ٹیلی فونک رابطہ کیا ہے ۔ ذرائع کے مطابق وفاقی کابینہ کے اجلاس سے قبل وزیر اعظم نے سابق صدر آصف علی زرداری کو ٹیلی فون کیا اور انکے ساتھ پنجاب کی سیاسی صورتحال سمیت ملک کی مجموعی سیاسی و معاشی صورتحال پر تبادلہ خیال کیا۔ آصف زرداری نے اپنے سیاسی رابطوں کے حوالے سے وزیراعظم کو آگاہ کیا۔ ذرائع کے مطابق دونوں رہنماﺅں نے اتفاق کیا کہ ملک کو سیاسی و معاشی استحکام کو یقینی بنانے کے لیے ہر ممکن اقدامات اٹھائے جائیں گے۔ دونوں رہنماﺅں نے عوام کو ریلیف کی فراہمی کے اقدامات پر بھی مشاورت کی ۔ذرائع کے مطابق ذرائع کے مطابق سابق وزیر اعظم نواز شریف اور آصف زرداری کے درمیان بھی ٹیلی فونک رابط ہوا ہے جس میں پنجاب کی سیاسی صورتحال پر تفصیلی تبادلہ خیال کیا گیا ۔پنجاب اسمبلی کی تحلیل روکنے کے لیے مجوزہ اقدامات اور دیگر اپشنز پر بھی گفتگو کی گئی ۔
