دوحہ( اسپورٹس ڈیسک)
فیفا ورلڈکپ میں فرانس کو پنالٹی اسٹروک پر شکست، ارجنٹینا تیسری مرتبہ عالمی چیمپئن بن گیا ۔فرانس کو پنالٹی اسٹروک پر شکست دے کر ارجنٹینا تیسری مرتبہ عالمی چیمپئن بن گیا۔قطر کے لوسیل اسٹیڈیم میں دفاعی چیمپئن فرانس اور فیوریٹ ارجنٹینا کے درمیان کانٹے کا مقابلہ ہوا۔ دونوں ٹیموں نے ابتدا سے ہی جارحانہ حکمت عملی اپنائی رکھی جہاں دونوں ٹیموں کے کھلاڑی گول بنانے کی کوششیں کرتے رہے۔ ارجنٹائن کو 23ویں منٹ میں پنالٹی اسٹروک ملا جس کا فائدہ اٹھاتے ہوئے کپتان لیونل میسی نے گیند کو جال میں پہنچا کر 0-1 کی برتری حاصل کی۔ میچ کے 36ویں منٹ میں شاندار پاسنگ کا مظاہرہ کرتے ہوئے ارجنٹینا کے ڈی اینجل ماریہ نے گول کر برتری 0-2 کردی ۔دوسرے ہاف میں 80ویں منٹ میں امباپے نے پنالٹی اسٹروک پر پہلا گول کیا جبکہ اگلے ہی منٹ میں انہوں نے ایک اور گول کر کے اسکور 2-2 سے برابر کردیا۔ فرانسیسی فٹبالر امباپے گول بنانے کے بعد جشن منا رہے ہیں –
مقررہ 90 منٹ کے ساتھ ساتھ دونوں ٹیموں کے درمیان اضافی وقت کا پہلا ہاف بھی انتہائی دلچسپ رہا، لیکن دونوں ٹیموں کے کھلاڑی گیند جال کو پہنچانے میں ناکام رہے اور میچ 2-2 سے برابر رہا۔اضافی وقت کے دوسرے ہاف میں ارجنٹائن نے شاندار کم بیک کرتے ہوئے 109ویں منٹ میں لیونل میسی عمدہ ٹچ کے ساتھ گول کرکے 2-3 کی برتری حاصل کی ارجنٹائن کے ڈیفینڈر کی ہاتھ گیند پر لگ جانے کی وجہ سے فرانس کو پنالٹی اسٹروک ملا جس کا فائدہ اٹھاتے ہوئے امباپے نے فرانس کا تیسرا گول کرتے ہوئے اپنی ہیٹ ٹرک مکمل کی۔پنالٹی اسٹروکس پر ارجنٹینا 2-4 سے کامیابی حاصل کرکے تیسری مرتبہ فٹبال کا عالمی چیمپئن بن گیا۔میسی کا آخری میچ یادگار بن گیا
واضح رہے کہ ارجنٹینا نے 1986 کے بعد دو مرتبہ فائنلز میں شکست کے بعد اب ورلڈکپ اپنے نام کیا ہے۔واضح رہے کہ فرانس اور ارجنٹینا دو دو مرتبہ ورلڈکپ جیت چکی ہیں، لیکن ورلڈکپ 2022 کا فائنل ارجنٹینا کا پانچواں اور فرانس کا چوتھا فائنل مقابلہ ہے۔
