لاہور(نمائندہ خصوصی ) پاکستان تحریک انصاف کے چیئرمین عمران خان سے گورنمنٹ کالج یونیورسٹی کے وائس چانسلر اصغر زیدی نے زمان پارک میں ان کی رہائشگاہ پر ملاقات کی ۔اصغر زیدی نے عمران خان کی عیادت بھی کی اور ان کی جلد صحت یابی کیلئے نیک خواہشات کا اظہار کیا۔اس موقع پر اصغر زیدی نے جی سی یونیورسٹی کے شعبہ میڈیا اسٹڈیز کو ارشد شریف اسکول آف جرنلزم میں تبدیل کرنے کا اعلان کیا۔وائس چانسلر اصغر زیدی نے کہا کہ ارشد شریف اسکول آف جرنلزم میں تحقیقاتی صحافت اور صحافتی اقدار کی تعلیم پر توجہ دی جائے گی۔اصغر زیدی نے کہا کہ کیمپس میں ارشد شریف اسکول آف جرنلزم کی ایک نئی عمارت بھی تعمیر کی جائے گی۔عمران خان نے پنجاب میں طلبہ یونینز کی فوری بحالی اور گائیڈ لائنز تیار کرنے کی ہدایت دے دی۔
