آرمی چیف کی تعیناتی کا معاملہ،وزارت دفاع کی سمری وزیراعظم آفس کو وصول۔وزیراعظم آفس کو بھیجے گئے ناموں میں لیفٹیننٹ جنرل عاصم منیر، لیفٹیننٹ جنرل ساحر شمشاد مرزا، لیفٹیننٹ جنرل اظہر عباس، لیفٹیننٹ جنرل نعمان اور لیفٹیننٹ جنرل فیض حمید شامل

اسلام آباد ( نمائندہ خصوصی )آرمی چیف کی تعیناتی کےلئے وزارت دفاع کی سمری وزیراعظم آفس میں وصول کرلی گئی۔نجی ٹی وی کے مطابق وزارت دفاع کی سمری موصول ہونے کے بعد وزیراعظم شہباز شریف کی زیر صدارت ہنگامی اجلاس ہوا جس میں وزیر دفاع خواجہ آصف، وزیر داخلہ رانا ثنا اللہ اور وزیر قانون سردار ایازصادق بھی شریک ہوئے۔ذرائع کے مطابق وزیراعظم شہباز شریف کی زیر صدارت ہونے والے اجلاس میں نئے آرمی چیف کی تعیناتی کےلئے 5سینئر ترین ناموں پر غور کیا گیاذرائع کے مطابق وزارت دفاع کی جانب سے وزیراعظم آفس کو بھیجے گئے 5 ناموں میں لیفٹیننٹ جنرل عاصم منیر، لیفٹیننٹ جنرل ساحر شمشاد مرزا، لیفٹیننٹ جنرل اظہر عباس، لیفٹیننٹ جنرل نعمان اور لیفٹیننٹ جنرل فیض حمید شامل ہیں۔ذرائع کے مطاقب وزیراعظم کی زیر صدارت ہونے والے اجلاس میں دو ناموں پر غور کیا گیا، ایک نام چیئرمین جوائنٹ چیفس آف آرمی اسٹاف اور دوسرا آرمی چیف کے لیے فائنل کیا جائے گا، دونوں نام فائنل کرنے کے بعد وزراعظم سمری صدر کو بھجوائیں گے اور پھر صدر کی منظوری کے اگلے 3 سال کےلئے آرمی چیف تعینات ہو جائے گا۔یاد رہے کہ آرمی چیف جنرل قمر جاوید باجوہ 29 نومبر کو ریٹائر ہو جائیں گے۔