لاہور ( نمائندہ خصوصی ) پنجاب بھر میں کاﺅنٹر ٹیررازم ڈیپارٹمنٹ کی مختلف کارروائیوں میں کالعدم تنظیموں سے وابستہ 7دہشت گردوں کو گرفتار کرلیا گیا، گرفتار دہشت گردوں سے بارودی مواد ، اسلحہ ، ممنوعہ لٹریچر برآمد کر کے مقدمات درج کرلیے گئے ۔ ترجمان سی ٹی ڈی کے مطابق گرفتار دہشت گردوں میں زاہد خان ، عبداللہ ، نعمان، اکرم ، صدیق ، احسن اور شعیب شامل ہیں جن کا تعلق مختلف کالعدم تنظیموں سے ہے ۔ دہشت گردوں کے قبضے سے بارودی مواد ، اسلحہ اور ممنوع لٹریچر برآمد ہوا ۔ ترجمان کے مطابق ملزمان کے خلاف 5 مقدمات درج کیے گئے ہیں جبکہ آپریشن کے دوران 29 مشتبہ افراد سے تفتیش کی گئی۔ترجمان کے مطابق 7 دن کے دوران 461 کومبنگ آپریشن کیے گئے ۔ کومبنگ آپریشنز کے دوران 21 ہزار افراد کی چیکنگ کی گئی جبکہ 55 مشتبہ افراد کو گرفتار کیا گیا۔
