لاڑکانہ(بیورورپورٹ) لاڑکانہ میں سندھ پیپلز ہاری کمیٹی کی جانب سے پاک فوج سے اظہار یکجہتی کے لیے کینیڈی مارکیٹ سے پریس کلب تک پاک فوج زندہ باد ریلی نکالی گئی جہاں شرکائے نے پاک افواج کے حق میں نعرے بازی بھی کی، اس موقع پر صوبائی صدر محمد پنہل خان لہر، ضلعی صدر محمد ایوب چاچڑ، تاج محمد بلیدی، مہران ابڑو، نور محمد، ہادی بخش چوہان، زمان علی، علی اکبر، علی مراد چاچڑ، نظام الدین ملّہ، خادم حسین، غلام حیدر شیخ سمیت دیگر نے کہا کہ چیئرمین پاکستان پیپلز پارٹی بلاول بھٹو زرداری اور پارٹی کی ہر جیالہ پاک فوج کے ساتھ شانہ بشانہ کھڑا ہے اور چیئرمین بلاول بھٹو زرداری ملکی سالمیت کے ضامن اور مستقبل کے وزیراعظم ہیں، ہم پاک افواج کے خلاف نازیبا الفاظ بولنے والے عمران نیازی اپنا قبلہ درست کرکے بھارتی وزیر اعظم ہند نریندر مودی کے لیے کام کرنا چھوڑ دیں اور ان کا فرمانبردار بیٹا نہ بنیں ورنہ ملک کے 22 کروڑ عوام ان کو گھیراؤ کریں گے، انہوں نے مطالبہ کیا کہ پاک فوج کے خلاف نازیبا زبان استعمال کرنے والوں کے خلاف سخت کارروائی کی جائے۔
