اسلام آباد (نیٹ نیوز/اے پی پی):وزیراعظم شہبازشریف نےخیبرپختونخوا پولیس کے سب انسپکٹر سحر گل کی شہادت پر افسوس کا اظہار کیا ہے۔
بدھ کو وزیراعظم آفس کے میڈیا ونگ سے جاری بیان کے مطابق وزیراعظم نے شہید پولیس اہل کار کے اہل خانہ اور بچوں سے دلی ہمدردی کا اظہار کیا ۔
وزیراعظم نے کہا کہ اپنے بچوں کو سکول سے لینے جانے کے لئے والد کی شہادت پر بے حد دکھ ہے ۔ وزیراعظم نے خیبرپختونخوا میں پولیس اہلکاروں پر بڑھتے ہوئے حملوں پر تشویشناک کا اظہار کرتے ہوئے کہا کہ وزیراعلی خیبرپختونخوا صوبے میں امن وامان کی صورتحال پر توجہ دیں ۔ وزیراعظم نے ہدایت کی کہ شہید پولیس سب انسپکٹر کو شہدا پیکج دیا جائے،
بچوں کی تعلیم اور اہل خانہ کی کفالت یقینی بنائی جائے ۔ وزیراعظم ا ور زیرداخلہ نے انجینئر امیر مقام کو شہید پولیس اہلکار کے لئے مالی معاونت کو یقینی بنانے کی بھی ہدایت کی۔ وزیراعظم نے شہید پولیس اہلکار کے درجات کی بلندی اوراہل خانہ کے لئے صبر جمیل کی بھی دعا کی
