لاہور (بیورورپورٹ ) اسٹیج کے معروف کامیڈین اداکار طارق ٹیڈی کو طبیعت شدید ناساز ہونے پر وینٹی لیٹر پر منتقل کردیا گیا ۔ پاکستان کڈنی اینڈ لیور انسٹیٹیوٹ (پی کے ایل آئی )کے ڈاکٹرز کا کہنا ہے کہ جگر کا انفیکشن بڑھنے سے اداکار کی طبیعت مزید بگڑ گئی ۔ڈاکٹرز نے یہ بھی بتایا کہ طارق ٹیڈی کے ستر فیصد جگر نے کام کرنا چھوڑ دیا ہے ۔شوبز انڈسٹری کی متعدد شخصیات نے طارق ٹیڈی کی جلد صحتیابی کیلئے نیک تمناﺅں کا اظہار کیا ہے۔
