سیالکوٹ(کرائم رپورٹر ) شاعر مشرق علامہ اقبال کے نام سے مشہور شہر سیالکوٹ میں جہاں اقبال سے بچوں کی محبت مشہور ہے وہاں آفتاب جیسے درندے بھی بستے ہیں جو محض اپنی تسکین کی خاطر اپنے ہی بہن بھائیوں کو بےدردی سے قتل کر دیتے ہیں ضلع سیالکوٹ کے تھانہ مراد پورہ کی حدود میں واقعہ ہنٹر پورہ کے علاقہ سے جاوید مسیح نامی شخص نے پولیس کو اطلاع دی کہ اس کی 19 سالہ بیٹی انمول اور 15 سالہ بیٹے سلیمان کو اس کے سگے بھتیجے آفتاب عرف چاند مسیح نے بیدردی سے قتل کر دیا ہے
فرار ہو گیا ہے واقعہ کی اطلاع ملتے ہی ڈی پی او سیالکوٹ فیصل کامران نے متعلقہ پولیس افسران کو ملزمان کی گرفتاری کے احکامات جاری کئے جس پر ایس ڈی پی او صدر سرکل رانا ندیم کی سربراہی میں ٹیم تشکیل دی گئی اور فوری طور پر سی سی ٹی وی کیمروں و دیگر جدید ٹیکنالوجی کی مدد سے ملزم آفتاب عرف چاند مسیح کو گرفتار کر لیا گیا اور اس کے قبضہ سے آلہ قتل بھی برآمد کر لیا گیا پولیس کے مطابق ملزم سے قتل کی وجہ معلوم کرنے کی تفتیش جاری ہے جبکہ دوسری جانب بہن اور بھائی کی لاش کو پوسٹ مارٹم کے بعد ورثاء کے حوالے کر دیا گیا ہے
