میڈیا کے نمائندوں سے گفتگو میں مصطفیٰ قریشی نے کہا کہ سینما مالکان کو اپنی ملک کی فلموں کو ترجیح دینا چاہیے بزنس کرنے والی پاکستانی فلموں کو اتار کر غیر ملکی فلم لگانا کسی طرح بھی حب الوطنی نہیں ھے انھوں نے کہا کہ حکومت کو اس کا نوٹس لیتے ہوئے ایسی پالیسی بنانا چاہتے جس کے تحت اگر کوئی پاکستانی فلم ریلیز ھو رہی تو اس کے مقابلے پر غیر ملکی فلم نہ لگائی جائے مصطفیٰ قریشی نے پاکستانی فلم میکرز سے بھی کہاکہ وہ ایک ساتھ اتنی فلمیں ریلیز نہ کریں کیونکہ اب پہلے والا ماحول نہیں ھے
جب عید پر آٹھ آٹھ فلمیں ریلیز ھوتی تھیں انھوں نے کہا کہ سینما مالکان اور فلم میکرز باہمی مشاورت سے اس بارے میں کوئی لائحہ عمل تیار کریں اور فلموں کی ریلیز کے حوالے سے پالیسی تیار کریں تاکہ فلم میکرز اور سینما مالکان دونوں کا بھلا ھو سکے انھوں نے کہا کہ کئی سال بعد عید پر پاکستانی فلموں کے حوالے سے ماحول بنا تھا اور اچھی خبریں آرہی تھیں لیکن سینما مالکان کی نہ سمجھ میں آنے والی پالیسی نے مایوسی پھیلا دی جب پاکستانی فلمیں بزنس کر رہی تھیں تو ان کو بلا وجہ کیوں اتارا جا رہا ھے اور غیر ملکی فلم کو اہمیت دی جارہی ھے
