کراچی ( اسٹاف رپورٹر )رمضان المبارک کی آمد پر ضلع کورنگی زمان ٹاﺅن میں 3 سال سے چوڑی گلیوںاور مساجد کے اطراف میںاسٹریٹ لائٹس کا نام و نشان تک موجود نہیں۔
رات میں اسٹریٹ لائٹس نہ ہونے کی وجہ سے علاقہ تاریکی کا منظر پیش کررہا ہوتا ہے۔ ان خیالات کا اظہار فکس اٹ ضلع کورنگی کے کوارڈینیٹر ضیاءنے اپنے ساتھیوں کے ہمراہ زمان ٹاﺅن کے دورے میں کرتے ہوئے کیا ۔انہوں نے کہا کہ ہمارے علاقے میں مسائل کے انبار موجود ہیں جس میں ضلع کورنگی کے ڈپٹی کمشنر اور ڈی ایم سی آفیس سے کسی قسم کی کاروائی عمل میں نہیں لائی جاتی اگر حکومت کے پاس بجٹ نہیں ہے تو کم سے کم 10 سے 12 اسٹریٹ لائٹس ہی لگوادیں جس سے زمان ٹاﺅن کے علاقہ مکین کو تھوڑی سہولیات تو مہیا ہوجائیں گی اور یہ عوامی خدمات کے بھی زمرے میں آتا ہے اسٹریٹ لائٹس کا مسئلہ وزیر بلدیات سندھ سید ناصر حسین شاہ کے لاڈلے ایم اینڈ ای آفیسرزمان ٹاﺅن جاوید بھائیوں نااہلی کے باعث چوری، چھینا چھپٹی اور وارداتیں بڑے پیمانے پر ہورہی ہیں۔
زمان ٹاﺅن میں یہ سب مسائل اب عام ہوچکے ہیں اور یہ ایم اینڈ ای آفیسر کی نااہلی کا منہ بولتا ثبوت ضلع کورنگی زمان ٹاﺅن کی مساجد ، سڑکیں اور گلیاں رات میںتاریکی کا منظر پیش کررہی ہوتی ہیںاورکروڑوںروپے کا فنڈ کرپشن کی نظرکیا جارہاہے ۔ زمان ٹاﺅن کی سماجی شخصیات کا کہنا ہے کہ ہم کئی دفعہ کورنگی ٹاﺅن میں ایم اینڈای آفیسرکو اسٹریٹ لائٹس لگانے کی درخواست کرنے گئے ملاقات بھی کی لیکن کاروائی اب تک عمل میں نہیں لائی گئی درخواستوں کو زیر غور تک نہیں لایا جاتا اور اب تو درخواستوں کی ریسیونگز بھی دینا بند کردی گئیں ہیںضلع کورنگی کی عوام کا کہنا تھا کہ رمضان مبارک میں مساجدکے اطراف کی گلیاں اندھیروںمیں ڈوبی ہوئی نظر آئیں گی۔ہماری وزیر اعلیٰ سندھ مراد علی شاہ، وزیر بلدیات ناصر حسین شاہ، ایڈمنسٹریٹر کراچی مرتضیٰ وہاب، کمشنر کراچی اقبال میمن،ڈپٹی کمشنر ضلع کورنگی اور ڈی ایم سی کے میونسپل کمشنر وایڈمنسٹریٹر کورنگی سے گزارش ہے کہ زمان ٹاﺅن میں 10 سے 12 اسٹریٹ لائٹس لگوائی جائیں تاکہ عوام کو فجر یا عشا ءکی نماز پڑھنے آنے جانے میں کسی قسم کی دشواری کا سامنا نہ کرنا پڑے۔
