سپر نیٹ لمیٹڈ نے اپنے 18.81فیصد حصص کی ابتدائی پیش کش کے ذریعے کیپیٹل مارکیٹ سے 475ملین اکٹھے کرنے کا اعلان کیا ہے۔ کمپنی سے جاری اعلامیئے کے مطابق کمپنی کی جانب سے پاکستان اسٹاک ایکسچینج کے GEM Boardمیں فرم کی فہرست کے ذریعے جو سرمایہ اکٹھاکیا جارہا ہے وہ سپرنیٹ کی 275ملین روپے کی تازہ ایکویٹی اور ٹیلی کارڈکی جانب سے 200ملین روپے کی "ٓآفرفارسیل”پر مشتمل ہوگا۔واضح رہے کہ سپرنیٹ پہلی ٹیکنالوجی کمپنی ہے جو پاکستان اسٹاک ایکسچینج کے GEM Boardمیں لسٹ کی جارہی ہے۔
ابتدائی پیش کش کا اجراء 21,111,121حصص پر مشتمل ہے جو 10روپے فی فیس ویلیو کے حساب سے سپر نیٹ کے مجموعی پوسٹ آفرنگ ادا شدہ سرمائے کا 18.81فیصدبنتا ہے۔بک بلڈنگ کا عمل 12اور 13اپریل سے جبکہ رجسٹریشن کا عمل 22.50روپے فی حصص کی قیمت پر7اپریل سے شروع کیا جائے گا جس میں 12.50روپے فی حصص کا پریمیئم بھی شامل ہے۔ پرائس بینڈ کی بالائی حد فلور پرائس کی قیمت کے 40فیصدسے زیادہ نہیں ہوگی۔ مجموعی حصص میں سے ٹیلی کارڈ کے 8,888,889حصص جبکہ 12,222,232حصص تازہ ایکویٹی کے طو ر پر فروخت کیلئے پیش کئے جائیں گے۔
1995میں قائم کی گئی سپر نیٹ ملک کے معروف ٹیلی کمیونیکیشن سروس فراہم کنندہ میں سے ایک ہے۔کمپنی ٹیلی کام، دفاع، نجی فرموں اور سرکاری شعبوں اور مقامی صارفین کیلئے عالمی طورپر مربوط مواصلاتی بنیادی ڈھانچے کے حل کا ایک مکمل پورٹ فولیوفراہم کرتی ہے اور پاکستان بھر میں 200سے زائد شہروں اور قصبوں میں پھیلی ہوئی مواصلات اور آئی ٹی ٹیکنالوجیزکی وسیع رینج میں اعلیٰ تربیت یافتہ اور تجربہ کارانسانی وسائل کا ذخیرہ رکھتی ہے۔
کمپنی سائبر سیکیوریٹی، پاور سلوشن اور آئی ٹی انفرااسٹرکچرسلوشنز کے کاروبار میں جارحانہ توسیع کررہی ہے۔پاکستان اسٹاک ایکسچینج میں فہرست سازی سے حاصل ہونے والے سرمائے کو کمپنی کے توسیعی منصبوں کی مالی اعانت کیلئے استعمال کیا جائے گا۔
