پاک فوج اور ملکی سلامتی کے اداروں کے خلاف سوشل میڈیا پر چلنے والی مہم کے خلاف جید علما و مشائخ و مکاتب میدان میں آگئے
تفصیلات کے مطابق ملک بھر کے جید علماء و مشائخ و مکاتب کی جانب سے متفقہ اعلامیہ جاری کیا گیا ہے، جس میں حزب اختلاف و اقتدار اور کارکنان سے اپیل کی گئی ہے، کہ وہ پاک فوج اور سلامتی کے اداروں کے خلاف مہم چلانے سے باز رہیں علامہ عبد الحق مجاہد، طاہر اشرفی ،پیر نقیب الرحمان اور عارف واحدی کی جانب سے مشترکہ اعلامیہ میں کہا گیا، کہ پاک فوج اور ملکی سلامتی کے ادارے بقاء اور استحکام کی علامت ہیں، ان اداروں کےخلاف کسی مہم کو قبول نہیں کیا جا سکتا، سیاسی قیادت اور کارکنان کو بھی کسی بھی قسم کی مہم سے باز رہنا چاہیے،علما و مشائخ نے مشترکہ اعلامیہ میں مطالبہ کیا کہ وزارت داخلہ واطلاعات مہم چلانے والے افراد کے خلاف فوری ایکشن لیں اور دانستہ و نا دانستہ انتشار پیدا کرنا والےعناصر کو نشان عبرت بنایا جائے،علماء و مشائخ نے اسلامی تعاون تنظیم کے وزرائے خارجہ اور وفود کو خوش آمدید کہتے ہوئے کہا کہ او آئی سی کا چند ماہ میں دوسرا اجلاس پاکستان کےلیے قابل فخر ہےمسلم امہ کی اس اجلاس سے بہت ساری توقعات ہیں جو ان شاءاللہ پوری ہونگی
