عدم اعتماد کی تحریک کامیاب ہو چکی ہے۔ شازیہ مری

اسلام آباد( نمائندہ خصوصی ) پاکستان پیپلزپارٹی پارلیمنٹیرینز و رکن قومی اسمبلی شازیہ عطا مری نے کہا ہے کہ ہم چاہتے تھے عمران خان باعزت طریقے سے مستعفی ہوتے اور کوئی باوقار کام عمران خان کی قسمت میں لکھا ہوا ہی نہیں ہے۔ عدم اعتماد کی تحریک کامیاب ہو چکی ہے۔ ان باتوں کا اظہار آج انہوں نے اپنے ایک جاری کردہ بیان میں کیا ہے شازیہ مری نے کہا کہ اب نیب بھی سلطنت نیازییہ کو نہیں بچا سکتا،عمران خان اسٹیل ملز سے برطرف کیئے گئے ملازمین کی بد دعاوں کی لپیٹ میں آ چکے ہیں، ان کا کہنا تھا کہ وزیراعظم عمران خان نے لاکھوں غریبوں کو گھر کی چھت سے محروم کیا اس نے مہنگائی اور بے روزگاری میں بے تحاشہ اضافہ کیا۔شہید بینظیر بھٹو کا قول سچا ثابت ہو چکا جمہوریت بہترین انتقام ہے، حزب اختلاف کا ہر قدم آئینی اور جمہوری ہے۔