کراچی ( نمائندہ خصوصی )محکمہ موسمیات کے مطابق شہر میں بھارتی ریاست راجھستان، گجرات میں بننے والے ہوا کے کم دبا میں براستہ ٹھٹہ اور بدین کراچی کا رخ کر رہے ہیں۔ بحیرہ عرب بھی ان ہوا کے کم دباﺅ کو خوب معاونت کر رہا ہے، اسی وجہ سے سمندر کا گرم درجہ حرارت سسٹم کو مزید طاقتور بنا رہا ہے۔محکمہ موسمیات کا کہنا ہے کہ رواں سال شہر قائد میں 1000 ملی میٹر تک بارش ریکارڈ ہو سکتی ہے۔
کراچی کے علاقے حسن اسکوائر، یونیورسٹی روڈ، جیل چورنگی، گرومندر، تین پٹی پر بھی ہلکی بارش کا سلسلہ جاری ہے جبکہ بارش کے بعد شہر بھر میں بیشتر مقامات پر ٹریفک کی آمدورفت شدید متاثر ہے جس کے باعث لوگوں کو شدید مشکلات کا سامنا کرنا پڑرہا ہے۔
ٹریفک پولیس حکام کا کہنا ہے کہ کراچی کے علاقے ناظم آباد، انڈر بائی پاس ٹریفک آمدورفت کیلئے تاحال بند ہے، دونوں اطراف سے حبیب بینک سے لیاقت آباد اور لیاقت آباد سے حبیب بینک ٹریفک کو انڈر پاس کے اوپر سے گزارا جارہا ہے۔ٹریفک پولیس حکام نے بتایا کہ سایٹ ایریا گلبای سے شیرشاہ پراچہ چوک کی طرف جانے والی شاہراہ کو بھی ٹریفک کیلئے بند کردیا گیا ہے۔