کراچی (بیورو رپورٹ ) خفیہ اطلاع پر ایس ایس یو کمانڈوز نے میمن گوٹھ میں جوئے کے اڈے پر کامیاب کارروائی کی جس کے نتیجے میں 105 ملزمان کو گرفتار کرکے 22 موٹرسائیکلیں اور دیگر جوئے کا سامان برآمد کیا گیا۔
ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد نے کہا کہ شہر میں بڑھتے ہوئے اسٹریٹ کرائمز کی موجودہ صورتحال کے پیش نظر کمانڈوز مختلف علاقوں میں امن و امان کے احساس کو برقرار رکھنے میں مقامی پولیس اور دیگر قانون نافذ کرنے والے اداروں کی مدد کر رہے ہیں۔
ڈی آئی جی سیکیورٹی نے اس ضرورت پر زور دیا کہ تمام قانون نافذ کرنے والے ادارے مل کراسٹریٹ کرائمز اور دیگر جرائم سے نمٹنے کے لیے کام کریں۔
یہاں یہ بات قابل ذکر ہے کہ ایس ایس یو کمانڈوز دہشت گردی، اسٹریٹ کرمنلز اور دیگر جرائم کے خلاف موٗثر کارروائیاں کرنے کی مکمل صلاحیت رکھتے ہیں
