اسلام آباد ( نمائندہ خصوصی )وفاقی تحقیقاتی ایجنسی (ایف آئی اے) نے چیئرمین تحریک انصاف سے پارٹی کو فنڈ دینے والی تمام قومی و بین الاقوامی کمپنیوں اور کاروباری شخصیات کا ریکارڈ طلب کر لیا۔ایف آئی اے اسلام آباد زون کی ڈپٹی ڈائریکٹر کی جانب سے چیئرمین پاکستان تحریک انصاف اور سیکرٹری جنرل کو لکھے گئے خط میں کہا گیا کہ پارٹی کے قیام سے لےکر اب تک وصول کی گئی ممبر شپ فیس کا ریکارڈ فراہم کیا جائے۔خط میں کہا گیا کہ ان تمام قومی و بین الاقوامی کمپنیوں، کاروباری اداروں اور شخصیات کا ریکارڈ فراہم کریں جنہوں نے پارٹی کی مدد کی، نیز مختلف ممالک کی کمپنیوں اور کاروباری اداروں سے وصول رقم کی الگ الگ تفصیل فراہم کی جائے۔ایف آئی اے نے کہا کہ پی ٹی آئی کی 1996 سے لےکر اب تک کی تمام تنظیموں اور ٹرسٹ کا ریکارڈ فراہم کیا جائے، اس کے علاوہ پی ٹی آئی کی رجسٹرڈ اور غیر رجسٹرڈ قومی و بین الاقوامی تنظیموں اور ٹرسٹ کا ریکارڈ بھی فراہم کیا جائے۔خط میں کہا گیا کہ پی ٹی آئی کے تمام اکاو¿نٹس کھولے جانے سے لےکر اب تک کی سالانہ اسٹیٹمنٹ فراہم کی جائے، پارٹی کے تمام عہدیداروں کی فہرست اور شناختی کارڈ نمبرز فراہم کیے جائیں، ان افراد کے نام فراہم کیے جائیں جنہیں پارٹی اکاونٹس آپریٹ کرنے کی اجازت تھی، اب تک پارٹی کے مالی امور دیکھنے والے بورڈ کی تفصیلات فراہم کی جائیں۔ایف آئی اے کی جانب سے پاکستان تحریک انصاف کے چیئرمین اور جنرل سیکرٹری کو تمام ریکارڈ 15 دن کے اندر فراہم کرنے کی ہدایت کی ہے۔یاد رہے کہ وفاقی حکومت نے الیکشن کمیشن کے فارن فنڈنگ کیس کے فیصلے کی روشنی میں پی ٹی آئی کی ممنوعہ فنڈنگ کی تحقیقات کے لیے تحقیقاتی کمیٹی تشکیل دی تھی جو معاملے کی تحقیقات کے لیے پی ٹی آئی رہنماوں سے پوچھ گچھ کر رہی ہے۔
ممنوعہ فنڈنگ کیس،ایف آئی اے نے عمران خان سے ریکارڈ طلب کر لیا پارٹی کے قیام سے لےکر اب تک وصول کی گئی ممبر شپ فیس کا ریکارڈ فراہم کیا جائے،ایف آئی اے کا خط
پچھلی پوسٹ
اسٹیٹ بینک نے عوام کو موبائل اکاونٹ کھولنے کی اجازت دےدی پاکستان ٹیلی کمیونیکیشن اتھارٹی تیکنیکی معاونت فراہم کریگی‘ ہر موبائل فون صارف اپنے فون سے 2262 پرایس ایم ایس کرکے آسان موبائل اکاونٹ چند لمحوں میں ازخود کھول سکے گا
اگلی پوسٹاچھی خارجہ پالیسی پاکستان کو معاشی چیلنجز سے نکال سکتی ہے، دفترِخارجہ کی پوری توجہ اس وقت ایف اے ٹی ایف اور جی ایس پی پلس جیسے نازک مسائل پر ہے‘ بلاول بھٹو
