کراچی ( شوبز ڈیسک ) اداکارہ منال خان کے بزنس وومن اور ماڈل کائیلی جینر کی ناشتے کی تصویر چوری کرنے پر ان کے بہنوئی اداکار منیب بٹ نے ردعمل دیا ہے۔
حال ہی میں منیب بٹ نے نجی ٹی وی کے پروگرام میں شرکت کی ۔ میزبان کے سوال پر اداکار نے بتایا کہ جب سوشل میڈیا پر اس چیز کو اٹھایا گیا تو ہم سب ہنس رہے تھے اور فیملی کے واٹس ایپ گروپ پر منال پر بننے والی میمز شیئر کر رہے تھے۔منیب نے کہاکچھ لوگوں کی عادت ہوتی ہے کہ وہ انسٹاگرام پر بہت زیادہ اسٹوریز پوسٹ کرتے ہیں،
اس نے بھی وہ تصویر دیکھی اور شیئر کر دی، منال کا یہ مقصد نہیں تھا کہ لوگ سمجھیں وہ اس کے ناشتے کی تصویر ہے۔انہوں نے کہا ہم سب گھر میں اس کے ساتھ مذاق کر رہے تھے، ہم نے اسے بہت انجوائے کیا۔
