اسلام آباد ( نمائندہ خصوصی )وفاقی وزیر صحت عبدالقادر پٹیل نے سندھ حکومت کے پولیو کے خاتمے کی کوششوں پر اطمینان کا اظہار کرتے ہوئے کہاہے کہ پولیو کے خاتمے کی کوششیں کو مزیز تیز کیا جائے ،سندھ میں بھر پور انداز میں پولیو مہم کو کامیاب بنایا جائےگا،پولیو کا خاتمہ ہماری اولین ترجیح ہے ،15 اگست سے جنوبی خیبرپختونخوا میں پولیو مہم شروع ہوگی۔ وفاقی وزیر صحت عبدالقادر پٹیل کی زیر صدارت پولیو کا اہم اجلاس پولیو ایمرجنسی آپریشن سیل کراچی میں ہوا جس میں صوبائی وزیر صحت ڈاکٹر عزرا پیچوہو نے شرکت کی ۔ ترجمان وزارت صحت کے مطابق اجلاس میں پولیو کی موجودہ صورتحال کا جایزہ لیا گیا ۔ ترجمان وزارت صحت کے مطابق اجلاس میں ایمرجنسی اپریشن سیل سندھ کے کوآرڈینیٹر نے وفاقی وزیر صحت عبدالقادر پٹیل کو بریفنگ دی ۔ وفاقی وزیر عبد القادر پٹیل نے کہا کہ گنجان آباد شہر ھونے کے باوجود صوبائی حکومت کی پولیو کے خاتمے کی کاوشیں قابل ستائش ہیں ۔ انہوںنے کہاکہ پولیو ورکرز کی سیکیورٹی کو یقینی بنانے کےلئے پولیس اور سیکیورٹی اداروں کا کردار انتہای اہم اور قابل تعریف ہے ۔ انہوںنے کہاکہ پولیو کی تکنیکی ٹیم سائنٹیفک بنیادوں پر پولیو کے خاتمے کےلئے جامع حکمت عملی پر کام جاری رکھے ہوئے ہے ۔عبدالقادر پٹیل نے سندھ حکومت کے پولیو کے خاتمے کی کوششوں پر اطمینان کا اظہار کرتے ہوئے ان کے اقدامات کی تعریف کی ۔
عبدالقادر پٹیل کا سندھ حکومت کے پولیو کے خاتمے کی کوششوں پر اطمینان کا اظہار ،سندھ میں بھر پور انداز میں پولیو مہم کو کامیاب بنایا جائےگا، پولیو کا خاتمہ ہماری اولین ترجیح ہے، وفاقی وزیر صحت
پچھلی پوسٹ
جنرل قمرجاوید باجوہ سرکاری دورے پر برطانیہ پہنچ گئے،رائل ملٹری اکیڈمی کی پاسنگ آﺅٹ پریڈ میں بطور مہمان خصوصی شرکت کریں گے
اگلی پوسٹموجودہ وفاقی کابینہ پاکستان میں باہر نکلنے کے قابل نہیں ، ہم پر دباو، زور اور جبر سے کہا جاتا ہے انکی حکومت کو تسلیم کرو،پاکستان میں وہی حکومت تسلیم کی جائے گی جو عوام بنائے گی،فواد چوہدری
