ممبئی (نیٹ نیوز)معروف بالی وڈ اداکارہ عالیہ بھٹ نے جڑواں بچوں کی متوقع آمد کی خبروں پر ردعمل دیا ہے۔گزشتہ دنوں رنبیر کپور کی ایک پرانی ویڈیو وائرل ہوئی جس میں انہوں نے مذاق کرتے ہوئے کہا تھا کہ میرے ہاں جڑواں بچوں کی پیدائش ہوگی،
ویڈیو وائرل ہونے کے بعد سوشل میڈیا پر قیاس آرائیاں شروع ہو گئیں کہ جوڑے کے ہاں جڑواں بچوں کی پیدائش ہو گی۔حال ہی میں فلم ’ڈارلنگز‘کی تشہیر کے دوران صحافی نے عالیہ بھٹ سے اس حوالے سے سوال کیا جس عالیہ بھٹ نے کہا ‘رنبیر نے اس وقت مذاق کیا تھا،
اس نے خود اپنے پاﺅں پر کلہاڑی مار لی، ہمارے پاس خبروں اور معلومات کی کمی ہے اسی لئے یہ ایک خبر بن چکی ہے۔اداکارہ نے کہا میں سمجھتی ہوں کہ اس وقت لوگوں کو میرے اور رنبیر کی خوشحال زندگی اور صحت کےلئے دعا کرنی چاہیے، بس!
