آصف زرداری 9 ایم پی ایز سے رابطے میں ہیں، وزیر اعلی کے الیکشن میں شکست تمہارا مقدر بنی،اسپیکر کے الیکشن میں بھی شکست دیںگے علی زیدی

کراچی(نمائندہ خصوصی )پاکستان تحریک انصاف سندھ کے صدر اورسابق وفاقی وزیرعلی حیدر زیدی نے کہاہے کہ آصف زرداری 9 ایم پی ایز سے رابطے میں ہیں۔سماجی رابطے کی ویب سائٹ ٹوئٹر پر اپنے جاری کردہ بیان میں علی زیدی نے کہا کہ آصف زرداری! مجھے معلوم ہے تم پنجاب کے 9 ایم پی ایز سے رابطے میں ہو۔

انہوں نے کہا کہ مجھے یہ بھی معلوم ہے کس کے ذریعے تم ضمیروں کے سودے کرنے کی کوشش کر رہے ہو۔سابق وفاقی وزیر نے مزید کہا کہ وزیر اعلی کے الیکشن میں شکست تمہارا مقدر بنی، انشااللہ اسپیکر الیکشن میں بھی دوبارہ اسی طرح شکست کھا گے۔