کراچی( نمائندہ خصوصی)متحدہ قومی موومنٹ پاکستان کے سینئر مرکزی رہنماء و رُکن قومی اسمبلی ڈاکٹر فاروق ستار نے اپنے ایک بیان میں گزشتہ روز ملیر ہالٹ پر ٹینکر گردی کے واقعے کی سخت الفاظ میں مذمت کرتے ہوئے کہا کہ ملیر ہالٹ واقعے پر دل انتہائی رنجیدہ ہے، اس واقعے کو دیکھ کر الفاظ بھی ساتھ نہیں دے رہے، شہر میں ٹینکر ڈمپرز مافیاز کا راج ہے، جنگل کا بھی 
کوئی قانون ہوتا ہے مگر یہاں مضبوط لوگوں نے اپنی اپنی ریاستیں قائم کر رکھیں ہیں جو کہ ریاست آئین اور قانون کی عملداری کو کُھلا چیلنج ہے، شہر کراچی مکمل طور پر قانون فری ہوچکا ہے، یہاں کے شہریوں کو کبھی ڈاکوؤ تو کبھی ٹینکر ڈمپرز مار جاتے ہیں مگر کوئی پوچھنے والا نہیں، صوبائی حکومت مکمل طور پر بے حس نظر آتی ہے، میں وزیراعظم پاکستان، آرمی چیف صاحب اور چیف جسٹس آف پاکستان کو اللہ رسول کا واسطہ دیتا ہوں خدارا کراچی کی بدترین صورتحال کا نوٹس لیں شہر کے لوگ اس وقت احساس کمتری کی آخری حد سے بھی آگے نکل چکے ہیں۔
شہر میں ٹینکر ڈمپرز مافیاز کا راج ہے۔ ڈاکٹر فاروق ستار
ملیر ہالٹ واقعے پر دل انتہائی رنجیدہ ہے، اس واقعے کو دیکھ کر الفاظ بھی ساتھ نہیں دے رہے جنگل کا بھی کوئی قانون ہوتا ہے مگر یہاں مضبوط لوگوں نے اپنی اپنی ریاستیں قائم کر رکھیں ہیں۔ وزیراعظم پاکستان، آرمی چیف صاحب اور چیف جسٹس آف پاکستان کو اللہ رسول کا واسطہ دیتا ہوں خدارا کراچی کی بدترین صورتحال کا نوٹس لیں۔ متحدہ قومی موومنٹ پاکستان
