بیجنگ۔(مانیٹرنگ ڈیسک):چین میں ایک خاتون کو 17 بچوں کے اغوا اور اسمگلنگ کے جرم میں پھانسی دے دی گئی۔شنہوا کے مطابق یو ہوائنگ نامی خاتو ن کو عدالت کی طرف سےسنائی گئی سزائے موت پر جمعہ کو عملدرآمد کیا گیا۔ چین کے جنوب 
مغربی صوبہ گوئژو کی گیانگ انٹرمیڈیٹ پیپلز کورٹ نے سپریم پیپلز کورٹ کی طرف سے موت کی سزا کی منظوری دی تھی۔یو ہوائنگ نے اپنے ساتھیوں کے ساتھ مل کر گوئژو، چونگ کنگ اور ینان سے اغوا کئے گئے بچوں کو 1993 سے 2003 کے درمیان فروخت کر دیا تھا۔یو ہوائنگ کو 25 اکتوبر 2024 کوعدالت کی طرف سے سزائے موت سنائی گئی تھی ۔ اس سزا کے خلاف اپیل گز ہائوکی صوبائی اعلیٰ عوامی عدالت نے مسترد کر دی ۔ عدالت کے فیصلہ کے مطابق یو ہوائنگ کی تمام ذاتی جائیداد بھی ضبط کر لی گئی ہے۔
چین میں 17 بچوں کے اغوا اور سمگلنگ کے جرم میں خاتون کو پھانسی
