صارم قتل کیس؛ پولیس نے سرچ آپریشن میں کئی افراد کو حراست میں لے لیا

کراچی(کرائم رپورٹر) نارتھ کراچی میں7سالہ صارم کےمبینہ اغوااورقتل کے کیس پولیس نے کئی افراد کو حراست میں لے لیا۔کراچی کے علاقے نارتھ کراچی میں7سالہ صارم کےمبینہ اغوااورقتل کے کیس میں پولیس نےفلیٹ میں سرچ آپریشن کیا۔ سرچ آپریشن کے دوران زیر حراست افراد میں کم عمر لڑکے بھی شامل ہیں۔واقعے پراہلخانہ نے پولیس سے تکرار کی جس پر پولیس نے نے کہا کہ زیرحراست افراد سے تفتیش کر رہے ہیں۔قبل ازیں والدین نے پریس کانفرنس میں کہا پولیس کی جانب سے کارروائی بہت دیرسے شروع کی گئی، آئی ٹی کا نظام ہونے کے باوجود مجھے درخواست ٹائپ کروانے بھیجا گیا۔والدہ نے کہا آج مجرم آزاد گھوم رہا ہے، اور کوئی کارروائی نہیں ہورہی، اگر یہ کسی سیاست دان کا بچہ ہوتا تو کیا مجرم آزاد گھوم رہا ہوتا؟ مجھے میرے بچے کاقتل کا انصاف چاہیے۔صارم کی لاش کو ملنے 19 روز گزرنے کے باوجود پولیس کی پانچ رکنی ٹین مجرمان کو گرفتار نہ کرسکی۔