فیصل آباد۔ (نمائندہ خصوصی):وزیراعلیٰ مریم نواز شریف کے پنجاب دھی رانی پروگرام کے تحت ضلع جھنگ اور چنیوٹ کے75 جوڑوں کی اجتماعی شادیوں کی مشترکہ تقریب کا اہتمام کیا گیا۔جھنگ کی مقامی مارکی میں منعقدہ تقریب کے مہمان خصوصی صوبائی وزیر سماجی بہبود و بیت المال سہیل شوکت بٹ تھے۔سیکرٹری سماجی بہبود جاوید اختر محمود،کمشنر
مریم خان،ڈپٹی کمشنرجھنگ علی اکبر بھنڈر،ڈپٹی کمشنر چنیوٹ صفی اللہ گوندل بھی شریک تھے۔سابق ارکان اسمبلی فیصل حیات جبوآنہ،محمد اسلم بھروانہ،راشدہ یعقوب شیخ،محمد یعقوب شیخ، خالد غنی،سلطان سکندر بھروانہ، مولانا محمد آصف معاویہ،میڈم عابدہ بشیرکے علاوہ ایڈیشنل ڈپٹی کمشنرز و اسسٹنٹ کمشنرز بھی موجود تھے۔–صوبائی وزیر سماجی بہبود و بیت المال نے وزیر اعلیٰ پنجاب کی طرف سے نوبیاہتا جوڑوں کو مبارکباد دی اور نیک خواہشات کا پیغام پہنچایا۔صوبائی
وزیر نے وزیراعلیٰ پنجاب مریم نواز کی طرف سے دھی رانی سلامی کارڈز بھی دیئے،سلامی کارڈ کے ذریعے نوبیاہتا جوڑوں کو ایک لاکھ روپے سلامی دی گئی۔وزیر اعلیٰ پنجاب کی طرف سے اجتماعی شادی کے تمام جوڑوں کو ڈبل بیڈ،میٹرس، شیشہ، ڈنر سیٹ، کھانا پکانے کا سامان، پنکھا اور دیگر سامان کے تحائف بھی دیئے گئے۔صوبائی وزیر نے کہا کہ وزیراعلیٰ پنجاب مریم نواز شریف کا ویژن عوام کی خدمت کرنا ہے اور پنجاب دھی رانی پروگرام وزیراعلیٰ پنجاب مریم نواز شریف کے عوامی خدمت کے
جذبہ کی عکاسی ہے۔انہوں نے کہا کہ پنجاب دھی رانی پروگرام کو تاریخ میں ہمیشہ یاد رکھا جائے گا۔وزیراعلیٰ پنجاب کی بیٹیوں کے لئے ماں کا کردار ادا کر رہی ہیںدھی رانی پروگرام سے اقلیتی برادری کی بیٹیوں کو بھی مستفید کیا گیا ہے۔دھی رانی پروگرام کی تقریب میں جھومر پارٹی کی جانب سے رقص بھی پیش اورتقریب میں دولہا دلہن اور تقریب کے شرکاء کے لئے ظہرانہ کااہتمام کیا گیا۔
