لاہور( نمائندہ خصوصی) وزیراعلیٰ پنجاب مریم نوازشریف کی ہدایت پر چین کے دارالحکومت بیجنگ کی طرز پر لاہور کی سڑکوں پر سائیکل اور موٹر سائیکل سواروں کے لئے الگ راستہ مختص کرنے کے پائلٹ پراجیکٹ کا آغاز کر دیا گیا ہے۔ پہلے مرحلے 
میں فیروز پور روڈ کینال روڈ سے لاہور پل تک بائیکر لین شروع کر دی گئی ہے۔ 10 کلومیٹر بائیکرز لین سبز اور دیگر رنگوں سے تیار کی گئی ہے۔ بائیکرز لین سے سائیکل اور موٹر سائیکل سواروں کی حادثات سے حفاظت ہو گی۔ مرحلہ وار لاہور کی تمام سڑکوں پر بائیکر لینز بنائی جائیں گی۔ بائیکرز لین کے جدید عالمی تصور سے حادثات میں کمی اور ٹریفک میں روانی آئے گی۔ وزیر اعلیٰ مریم نوازشریف نے شہریوں سے اپیل کی ہے کہ شہری اپنے تعاون اور نظم و ضبط سے آزمائشی منصوبہ کامیاب بنائیں تاکہ جانوں کا تحفظ اور حادثات کی روک تھام ہو۔
چین کے دارالحکومت بیجنگ کی طرز پر لاہور کی سڑکوں پر سائیکل اور موٹر سائیکل سواروں کیلئے الگ راستہ مختص کرنے کے پائلٹ پراجیکٹ کا آغاز
پہلے مرحلے میں فیروز پور روڈ کینال روڈ سے لاہور پل تک بائیکر لین شروع، 10 کلومیٹر بائیکرز لین سبز اور دیگر رنگوں سے تیار کی گئی بائیکرز لین سے سائیکل اور موٹر سائیکل سواروں کی حادثات سے حفاظت، ٹریفک میں روانی آئیگی، مرحلہ وار لاہور کی تمام سڑکوں پر بائیکر لینز بنائی جائیں گی شہری اپنے تعاون اور نظم و ضبط سے آزمائشی منصوبہ کامیاب بنائیں تاکہ جانوں کا تحفظ اور حادثات کی روک تھام ہو: مریم نوازشریف کی شہریوں سے اپیل
