اسلام آباد( نمائندہ خصوصی )وزیراعظم شہباز شریف نے پاکستان کی حکومت اور عوام کی جانب سے پرنس کریم آغا خان کے انتقال پر گہرے دکھ کا اظہار کرتے ہوئے ہفتہ 8 فروری 2025 کو قومی سوگ کے دن کے طورپر منانے کا اعلان کیا ہے۔سیکرٹری 
کابینہ ڈویژن کامران علی افضل کی جانب سے جمعرات کو جاری نوٹیفکیشن میں کہا گیا ہے کہ حکومتِ پاکستان اور عوام کی جانب سے پرنس کریم آغا خان کے انتقال پر گہرے دکھ کا اظہار کرتے ہوئے وزیرِاعظم نے مرحوم کی تدفین کے موقع پرہفتہ 8 فروری 2025 کو قومی سوگ کا دن منانے کا اعلان کیا ہے۔ اس موقع پر ملک بھر میں قومی پرچم سرنگوں رہے گا۔
وزیراعظم شہباز شریف کاپرنس کریم آغا خان کے انتقال پر 8 فروری کو قومی سوگ کا اعلان ، قومی پرچم سرنگوں رہے گا
