وزیر اعلیٰ مریم نواز نے سرگودھا ڈویژن کے چار اضلاع کیلئے ہونہار اسکالر شپ پروگر ام کی باقاعدہ لانچنگ کر دی، طلبہ میں چیک تقسیم کیے

لاہور(نمائندہ خصوصی) وزیر اعلیٰ پنجاب مریم نواز شریف نے یونیورسٹی آف سرگودھا میں ڈویژن کے چار اضلاع کے لئے ہونہار سکالر شپ پروگر ام کی باقاعدہ لانچنگ کر دی-وزیر اعلیٰ مریم نوازشریف نے طلبہ کو ہونہار سکالر شپ چیک تقسیم کیے-”یہ وطن تمھارا ہے، تم ہو پاسباں اس کے” ملی نغمہ سن کر وزیر اعلی مریم نواز شریف سٹیج پر پہنچ گئیں ” اورطلبہ کے ساتھ مل کر وزیراعلی مریم نواز شریف نے یہ زمین مقدس ہے ماں کے پیار کی صورت ” ملی نغمہ گایا-طلبہ نے پرجوش تالیاں بجا کر ملی نغمے کو سراہا- ہونہار سکالر شپ حاصل کرنے والے طلبہ کے اعزاز میں گارڈ آف آنر پیش کیاگیا-پنجاب پولیس کے چاک و چوبند دستے نے طلبہ کو جنرل سلامی پیش کی- وزیر اعلیٰ مریم نوازشریف کی آمد پر طلبہ نے جوش و خروش کااظہار کرتے ہوئے تالیاں بجا کر استقبال کیا-وزیر اعلیٰ مریم نواز شریف یونیورسٹی کے طلبہ میں گھل مل گئیں -چیف منسٹر ہونہار سکالرشپ کے تحت سرگودھا کے 1588طلبہ کو 7کروڑ کے سکالرشپ دیئے جائیں گے-سرگودھا کی سرکاری یونیورسٹیوں کے 1133طلبہ کو ساڑھے 5 کروڑ سے زائد ہونہارسکالر شپ دیئے جائیں گے-سرگودھا میڈیکل کالج کے 54طلبہ کو 28لاکھ روپے کے سکالر شپ ملیں گے-سرگودھا کے سرکاری کالجز کے 398 طلبہ کو ایک کروڑ14لاکھ روپے کے سکالر شپ ملیں گے-ہونہار سکالر شپ حاصل کرنے والوں میں سرگودھا یونیورسٹی، بھکر یونیورسٹی، میانوالی یونیورسٹی اورسرکاری کالجز کے طلبہ شامل ہیں – یونیورسٹی آف سرگودھا کی طالبہ نے وزیر اعلی مریم نواز شریف کو ماں کی مانند قرار دیا-تقریب میں ہونہار سکالر شپ کے بارے میں خصوصی دستاویزی فلم دکھائی گئی- تقریب میں سرگودھا ڈویژن کے ارکان اسمبلی بھی شریک ہوئے-