اسلام آباد۔(نمائندہ خصوصی)پی ٹی اے کے زیر اہتمام ہواوے کے اشتراک سے نیشنل براڈ بینڈ نیٹ ورک فورم 2024ء کا انعقاد کیا گیا جس کا موضوع "گیگا بائٹ سب کے لئے” تھا جس میں چیئرمین سینیٹ یوسف رضا گیلانی نے بطور مہمان خصوصی شرکت کی اور براڈ بینڈ کو ڈیجیٹل معاشی ترقی کی ضرورت قرار دیا۔ انہوں نے براڈ بینڈ رسائی میں اضافے میں پی ٹی اے کے کردار کو سراہتے ہوئے کہا کہ پی ٹی اے نے رسائی کے لیے 59 فیصد کا سنگ میل عبور کیا ہے لیکن باقی خلاء کو پر کرنے کی ضرورت ہے۔انہوں نے گزشتہ کئی سالوں کے دوران آئی سی ٹی کے شعبے میں ہواوے پاکستان کے عزم کو سراہتے ہوئے کہا کہ ہواوے پاکستان میں ڈیجیٹل ٹرانسفارمیشن میں ایک اہم شراکت دار رہا ہے اور ہم مصنوعی ذہانت، کلائوڈ اور بگ ڈیٹا کے شعبوں میں اس صنعت کو مزید فعال بنانے کے لیے مل کر کام کرنے کے منتظر ہیں۔انفارمیشن ٹیکنالوجی کی وزیر مملکت شزا فاطمہ نے ٹیلی کام سیکٹر میں ڈیجیٹل تقسیم کو ختم کرنے کے لئے حکومت کی مسلسل حمایت کی یقین دہانی کرائی۔چیئرمین پی ٹی اے نے
یونیورسل کنیکٹیوٹی کے حصول میں تعاون اور جدت طرازی کی اہمیت پر روشنی ڈالی۔ سیکرٹری ایم او آئی ٹی نے ڈیجیٹل طور پر جامع پاکستان کی تعمیر کے لئے مسلسل کوششوں کا عزم ظاہر کیا۔جاز کے سی ای او عامر ابراہیم نے کہا کہ ہم نیشنل براڈ بینڈ نیٹ ورک فورم جیسے تعاون کو فروغ دینے اور متحرک اقدامات کو فروغ دینے پر پی ٹی اے کی قیادت کو سراہتے ہیں جو پاکستان کے ڈیجیٹل مستقبل کی تشکیل میں اہم کردار ادا کرتے ہیں۔براڈ بینڈ رسائی کے 59 فیصد کے سنگ میل کے ساتھ یہ واضح ہے کہ یہ سٹریٹجک شراکت داریاں پی ٹی اے اور ہواوے جیسے ٹیکنالوجی رہنمائوں کے ساتھ ، انٹرنیٹ تک رسائی ، مصنوعی ذہانت سے چلنے والی جدت طرازی اور براڈ بینڈ انفراسٹرکچر کو آگے بڑھانے میں اہم ہیں۔ جاز میں ہم پی ٹی اے اور دیگر ہولڈرز کے ساتھ مل کر کام کرنے کے اپنے عزم پر قائم ہیں تاکہ اس بات کو یقینی بنایا جا سکے کہ ڈیجیٹل تبدیلی تمام پاکستانیوں کی ترقی، شمولیت اور ترقی کو بااختیار بنائے۔ہواوے کے سی ای او نے پاکستان کی ڈیجیٹل تبدیلی کو آگے بڑھاتے ہوئے جدید ترین براڈ بینڈ حل فراہم کرنے کے عزم کا اعادہ کیا۔سی ای او جاز، سی ای او نیرا اور پی ٹی اے کے فائیو جی کنسلٹنٹس نے بھی ملک بھر میں براڈ بینڈ انفراسٹرکچر کو بڑھانے کے حوالے سے اپنے عزم کا اظہار کیا۔تقریب میں پاکستان کے براڈ بینڈ انفراسٹرکچر کو آگے بڑھانے اور سمارٹ اور مربوط مستقبل کو فروغ دینے کے اجتماعی عزم کو اجاگر کیا گیا۔ این بی این فورم 2024 پی ٹی اے کی میزبانی میں بین الاقوامی فورمز کے سلسلے میں دوسرا فورم ہے جس میں پاکستان میں براڈ بینڈ کی رسائی کو بڑھانے پر توجہ مرکوز کی گئی ہے۔
نیشنل براڈ بینڈ نیٹ ورک فورم کا انعقاد، پاکستان کے براڈ بینڈ انفراسٹرکچر کو آگے بڑھانےاور مربوط مستقبل کو فروغ دینے کے اجتماعی عزم پر زور
پچھلی پوسٹ
پی ٹی آئی دور میں پی آئی اے کے ساتھ کھلواڑ کیا گیا، موجودہ دور میں پی آئی اے کی یورپ کیلئے فلائٹس بحال ہوئیں، پی ٹی آئی ناکام احتجاج کے بعد من گھڑت پروپیگنڈے کا سہارا لے رہی ہے، عطاء اللہ تارڑ
اگلی پوسٹکراچی:پانچ روزہ 19واں عالمی کتب میلہ علم کی پیاس بجھاتا ہوا کامیابی کے ساتھ اختتام پذیر ہوگیا
جواب دیں
ہماری ویب سائٹ پر تازہ ترین خبریں حاصل کریں۔
